കൃഷ്ണാ മനോഹരാ വാസുദേവ പ്രഭൂ
നീ എന്നെ നിൻപ്രിയ രാധയായി മാറ്റുമോ
കൃഷ്ണാ മനോഹരാ വാസുദേവ പ്രഭൂ
നീ എന്നെ നിൻപ്രിയ രാധയായി മാറ്റുമോ
നീലകർവർണ്ണ നിൻ ചുണ്ടുകൾ മുത്തുമൊരോ
ഓടക്കുഴലാക്കി മാറ്റുമോ നീ എന്നെ
നീലകടമ്പുകൾ വാരിപുണരുമാ
പൂവള്ളി യായി ഞാൻ നിന്നെ പുണരട്ടെ
കൃഷ്ണാ മനോഹരാ വാസുദേവ പ്രഭൂ
നീ എന്നെ നിൻപ്രിയ രാധയായി മാറ്റുമോ
കാളിന്തി തീരത്തെ കല്പടവിൽ രാവിൽ
നിൻപൂമടി പൂകി ഞാനൊന്നുറങ്ങട്ടെ
നിനവേണു ഗാനങ്ങൾ കേട്ടുകേട്ടങ്ങനെ
മൃത്യു തൻ ആനന്ദ തീരത്തി രിക്കണം
കൃഷ്ണാ മനോഹരാ വാസുദേവ പ്രഭൂ
നീ എന്നെ നിൻപ്രിയ രാധയായി മാറ്റുമോ
ഗോപികമാരവർ നിർത്തം ചവിട്ടുമ്പോൾ
ലാസ്യ ലഹരിയിൽ എല്ലാംമറക്കണം
കാമിനിമാരിൽ നീ എന്നെ അണക്കുമ്പോൾ
മറ്റുള്ള ഗോപികമാർ കണ്ടു കൊതിക്കണം
കൃഷ്ണാ മനോഹരാ വാസുദേവ പ്രഭൂ
നീ എന്നെ നിൻപ്രിയ രാധയായി മാറ്റുമോ
യമുന തൻ തെളിനീരിൽ ഞാൻ കുളിച്ചാർക്കുമ്പോൾ
നീ എൻ്റെ പൂച്ചേല കട്ടുകൊണ്ടോടണം
ആനന്ദമൂർച്ഛയിൽ നമ്ര ശിരസ്കയായ്
നിന്മുമ്പിൽ അടക്കായ് യാചിച്ചു നിൽക്കണം
കൃഷ്ണാ മനോഹരാ വാസുദേവ പ്രഭൂ
നീ എന്നെ നിൻപ്രിയ രാധയായി മാറ്റുമോ
No comments:
Post a Comment